Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 22-1} uṇ kaṭaṉ vaḻimoḻintu irakkum kāl mukaṉ um tām
• {KALI 22-2} koṇṭatu koṭukkum kāl mukaṉ um vēṟu ākutal
• {KALI 22-3} paṇṭu um i ulakattu iyaṟkai aḵtu iṉṟu um
• {KALI 22-4} putuvatu aṉṟu ē pulaṉ uṭai māntir
• {KALI 22-5} tāy uyir peyta pāvai pōla
• {KALI 22-6} nalaṉ uṭaiyār moḻi kaṇ tāvār tām tam nalam
• {KALI 22-7} tātu tēr paṟavaiyiṉ aruntu iṟal koṭukkum kāl
• {KALI 22-8} ētilār kūṟuvatu evaṉ ō niṉ poruḷ vēṭkai
• {KALI 22-9} naṟu mullai nēr mukai oppa niraitta
• {KALI 22-10} ceṟi muṟai pārāṭṭiṉāy maṟṟu em palliṉ
• {KALI 22-11} paṟi muṟai pārāṭṭiṉai ō aiya
• {KALI 22-12} ney iṭai nīvi maṇi oḷi viṭṭaṉṉa
• {KALI 22-13} aivakai pārāṭṭiṉāy maṟṟu em kūntal
• {KALI 22-14} cey viṉai pārāṭṭiṉai ō aiya
• {KALI 22-15} kuḷaṉ aṇi tāmarai pācu arumpu ēykkum
• {KALI 22-16} iḷa mulai pārāṭṭiṉāy maṟṟu em mārpil
• {KALI 22-17} taḷar mulai pārāṭṭiṉai ō aiya
• {KALI 22-18} eṉa āṅku
• {KALI 22-19} aṭar poṉ avir ēykkum a vari vāṭa
• {KALI 22-20} cuṭar kāy curam pōkum nummai yām em kaṇ
• {KALI 22-21} paṭar kūṟa niṉṟatu um uṇṭu ō toṭar kūra
• {KALI 22-22} tuvvāmai vanta kaṭai